آنا جان دئر جانا روح و روان دئر
آنا سوزی شیرین شیرین زبان دئر
پروانه تک دائم اوتا یانان دئر
بیزیم گؤزل پروانه لر یانماسین
شمعلریمیز ائرریمَسین سونماسین
درده دوٌشن محنت چکن آنا دئر
گؤز یاشینان لاله اکن آنا دئر
یاری یولدا قامت بوٌکن آنا دئر
بئله یوللار هرگز یاری اولماسین
بایغولاردا خرابه یه قونماسین
آنا ایچین جنت باغی سزاوار
آنا ایچین هدیه گؤرگ هرنه وار
مقدمینه گوٌل خرمنی جان نثار
قامتینه ترمه و تئل سرانداز
حرمتینه لعل و گوهر پای انداز
آنا اوخشار بالاسینینگ بویونا
گؤین خوش ائدر دالدان گلن تویونا
دریغا کی اجل قورد دئر قویونا
چنگ آتاندا بو سوٌروٌدن یان وئرر
قوزی قالار آنا گئدر جان وئرر
بی حد چکدینگ جور و جفا آنا جان
سندن قالدی مهر و وفا آنا جان
سن کی یوخانگ یوخدور صفا آنا جان
سندن سورا دنیا بیزه دار اولدی
خزان گلدی گؤزلریمیز خار اولدی
برچسبها: شعر آنا ترکی قشقایی, شعر ترکی قشقایی, آنا شعری, شعر ترکی مادر, محسن
رجایی پناهنوشته شده توسط نوذر استوار در 12:59 | لینک ثابت • قشقایی دیلی...
ما را در سایت قشقایی دیلی دنبال می کنید
برچسب : نویسنده : 3qashqaidili7 بازدید : 144 تاريخ : چهارشنبه 27 دی 1396 ساعت: 22:55