قشقایی دیلی

آنا جان دئر  جانا  روح و روان دئر   آنا سوزی شیرین شیرین زبان دئر پروانه تک  دائم اوتا یانان دئر    بیزیم گؤزل  پروانه لر یانماسین شمعلریمیز ائرریمَسین سونماسین   درده دوٌشن محنت چکن آنا دئر گؤز یاشینان لاله اکن آنا دئر یاری یولدا قامت بوٌکن آنا دئر بئله یوللار هرگز یاری اولماسین بایغولاردا خرابه یه قونماسین   آنا ایچین جنت باغی سزاوار آنا ایچین هدیه گؤرگ هرنه وار مقدمینه گوٌل خرمنی جان نثار قامتینه ترمه و تئل سرانداز حرمتینه لعل و گوهر پای انداز   آنا اوخشار بالاسینینگ بویونا گؤین خوش ائدر دالدان گلن تویونا دریغا کی اجل قورد دئر قویونا چنگ آتاندا بو سوٌروٌدن یان وئرر قوزی قالار آنا گئدر جان وئرر   بی حد چکدینگ جور و جفا آنا جان سندن قالدی مهر و وفا آنا جان سن کی یوخانگ یوخدور صفا آنا جان سندن سورا دنیا بیزه دار اولدی خزان گلدی گؤزلریمیز خار اولدی برچسب‌ها: شعر آنا ترکی قشقایی, شعر ترکی قشقایی, آنا شعری, شعر ترکی مادر, محسن رجایی پناهنوشته شده توسط نوذر استوار در 12:59 |  لینک ثابت   •  قشقایی دیلی...

  شرم ائدمئیرنگ گؤیَه باخان گؤزلردن؟گؤز یاشینا باتان نازلی او٘زلردنبو یالواران اوتدان بَتَر سؤزلردنبس دئر داها ظلم ائیلمه یاغ یاغیش٭٭٭٭٭قورروموشدور چایلاروموز چؤلیمیزسونا لاردان خالی اولموش گؤلیمیزسَسدن دو٘شمیش بیزیم آغیر ائلیمیزداشلار ناله چکیر آغلئیر داغ یاغیش٭٭٭٭٭٭قره گئیمیش گؤی بولاغلی داغوموزکوربایغوشلار یئری اولموش باغوموزسینمیش صراحی موز آغلئیر ساقی موزتورپاق یاغیر هوا ایسسی داغ یاغیش٭٭٭٭٭٭قره ایل لر اَلیمیزی باغلادیآج اوشاقلار سویوزلیگدان آغلادیآنالار ناله سی جیگر داغلادیگئد کی جیگرینگه دو٘شسین داغ یاغیش٭٭٭٭٭٭بئیه دریالارینگ سویی قوررودی؟غم تورپاقی بیزیم گؤیی بورریدیبسکه یول گؤزلدیم عمروم چوررودیگؤزلریم قره سی اولدی آغ یاغیش٭٭٭٭٭یاغ تا گئنه سونا گَله گؤل لرهشیدا بولبول قوناق اولا گو٘ل لرهگَل گَل جیران گله گو٘للی چؤللرهگو٘له باتا بو قورروموش باغ یاغیش٭٭٭٭٭یاغ تا گئنه گو٘لمَگ گله او٘زلرهعشق و امید جان گتیره دیزلرهمحبت قریشه شیرین سؤزلرهیارالی او٘رَگلر اولا ساغ یاغیش٭٭٭٭٭٭اگر یاغانگ بورا گو٘للی یاز گلهسونا گله درنا گله باز گلهغم یئرینه شادلیگ گله ساز گلهاوننا دئرَم او٘زینگ اولسون آغ یاغیش برچسب‌ها: شعر ترکی قشقایی باران, شعر یاغیش, علی اصغر حسنی, ادبیات قشقایینوشته شده توسط نوذر استوار در 11:48 |  لینک ثابت   •  قشقایی دیلی...